Avropa İttifaqının Cənubi Qafqaz və Gürcüstan böhranı üzrə xüsusi nümayəndəsi Toivo Klaar bildirib ki, Ermənistan ərazisindən keçən istənilən avtomobil və dəmir yolu xətti Ermənistanın nəzarətində olmalıdır.
Gununsesi.info xəbər verir ki, Klaar bunu “Armenpress”ə müsahibəsində deyib.
Onun sözlərinə görə, bu, yeganə məntiqi razılaşmadır.
Xüsusi nümayəndə hesab edir ki, bununla bağlı gələcəkdə Azərbaycandan gələn yüklərin və sərnişinlərin Ermənistan ərazisindən təhlükəsiz keçməsini təmin etmək üçün ölkənin hakimiyyət orqanları məsuliyyət daşıyacaq.
Klaar həmçinin bildirib ki, o, Ermənistanın baş naziri Nikol Paşinyanın regionda kommunikasiyaların qarşısının alınması ilə bağlı fikirlərini bölüşür.
