İsrail ordusu ilə HƏMAS hərəkatı arasında müvəqqəti atəşkəs beş gün davam edəcək.
“Son-Xeberler” xəbər verir ki, bu barədə “Al Shark” qəzetinə hazırda iki tərəf arasında vasitəçilər vasitəsilə müzakirə olunan saziş layihəsi ilə tanış olan mənbələr bildiriblər.
“HƏMAS və İslami Cihad yaraqlıları İsrail həbsxanalarından 30 fələstinli məhbus müqabilində oktyabrın 7-dən bəri əsir saxlanılan hər gün 10 girovu azad etməyə razılaşıblar”, – deyə mənbələr qeyd ediblər.
İsrail də öz növbəsində Qəzza zolağında blokada olan əhali üçün humanitar yardımla gündə 100-dən 300-ə qədər yük maşını keçirməyə razılaşıb.
Mənbələrin vurğuladığı kimi, atəşkəs dövründə quruda, dənizdə və havada bütün hərbi əməliyyatlar dayandırılacaq. İsrail Silahlı Qüvvələri quru əməliyyatının aparıldığı Qəzzanın şimalı səmasında öz PUA-larının kəşfiyyat uçuşlarını gündə altı saat dayandırmağı öhdəsinə götürüb.
Nəşrin məlumatına görə, HƏMAS və İslami Cihad artıq Misir vasitəçisinə sövdələşmənin şərtləri ilə bağlı ilkin razılıqları barədə məlumat verib, lakin yaxın vaxtlarda bəzi dəqiqləşdirmələrin aparılacağını istisna etməyib.
